Агар тирам ба сар борад, туро ман дуст медорам (шеър)

таджичка, девука, таджикская девушка, дутари точик либоси милли

Агар тирам ба сар борад, туро ман дуст медорам,
Агар чархам биёзорад, туро ман дӯст медорам.

Давоми матн пас аз блоки реклама

Ту яктои манӣ, эй гул, тасаллои манӣ, эй гул,
Агар ҷонам рамақ дорад, туро ман дӯст медорам.

Туӣ худ орзуи ман, камоли ҷустуҷӯйи ман,
Агар ишқам ба марг орад, туро ман дӯст медорам.

Агар арзи ниёзи ман, ҳама сӯзу гудози ман,
Ба гӯши ту намефорад, туро ман дӯст медорам.

Агар гардуни дун якдам набигзорад, ки хуш бошам,
Гузорад ё набигзорад, туро ман дӯст медорам.

Қасам бар холи абрӯят, қасам бар шуълаи рӯят,
Қасам бар чашми хуморат, туро ман дӯст медорам.

Лоиқ Шералӣ

Ба дунболи ту мегардам (шеъри ошики)

Дигар маводҳо пас аз блоки реклама

Назари худро нависед

Лутфан шарҳи худро нависед!
Лутфан номи худро нависед