Идат муборак, устод,
Дилҳои мо аз ин шод.
Ҳақгӯю нуктасанҷӣ,
Монанди кони ганҷӣ.
Сомона бо шарофати таблиғот фаъол аст
Хирадманду накӯкор,
Раҳнамоӣ ба ҳар кор.
Ҳамнишини мардонӣ,
Марди фазлу эҳсонӣ.
Табиби ҷонбахш туӣ,
Устоди рӯҳбахш туӣ.
Табиати обу хок,
Хосили ангуру нок.
Меҳри гулу лола,
Чанори садсола,
Мурғакони сухангӯ,
Даррандаҳои ҷангҷӯ,
Донаҳои гуҳаррез,
Буттаҳои мушкбез –
Ҳама аз ту шунидам,
Дар кори ту бидидам.
Марди суханвар туӣ,
Тиллову гавҳар туӣ.
