– Шахсе, ки айбҳоямро бар ман мегӯяд, раҳмати Аллоҳ Таъоло (ҷ.ҷ.) бар ӯ бод.
(ҳазрати Умар (р.а.))
– Хоҳӣ, ки айбат пӯшидаю нафсат саломат бошад, кам бигӯ, бисёр гӯш кун.
(ҳазрати Алӣ (р.а.))
– Аз ҷустани айби дигарон парҳез кун.
– Пеш аз он, ки дигаронро танқид кунӣ, аз айбҳои худат баҳс кун.
– Хостан як айб, надодан ду айб.
– Шахсе, ки айби худашро намебинад, айби дигаронро бузург мебинад.
(Мансур бинни Аммор)
– Барои ҷустани айб оина истифода бибар, на ин ки телескоп.
– Барои як айби нафареро ёфтан аввал даҳ айби худатро ҳисоб кун.
– Барои баъзеҳо ёфтани айби дигарон ба мисли хазина аст ва барои ёфтани он ҳама гуна роҳро паси сар мекунанд.
– Айбҳои дӯстатро дар танҳоӣ ба рӯяш бигӯ, дар назди дигарон бошад, таърифаш кун.
(Арасту)
– Ҳама дар ҷустани айби дигарон бошанд, ту дар ҷустани айби худат бош.
(Муҳиддини Арабӣ)
– Айбҳои ядигарро хуш бипазирем, то дӯстӣ давом кунад.
(Ла Брюере)
– Агар дар кӯл об намонда бошад, айби ҷӯй нест, балки айби сарчашма аст.
– Нафаре, ки ҷасорати донистани айби худро дорад, аз нуқсон эҷод кардан наҷот меёбад.
(Эмил Зола)
– Баъзе одамонро аз дур мебинему онҳоро бенуқсон меҳисобем. Аз наздик, ки шинос шавем, нодаркор буданашонро мефаҳмем.
– Пеш аз оне, ки доғҳои баданамро нишон медиҳӣ, аввал ангуштҳоятро пок бикун.
(Бенҷамин Франклин)
– Айбҳоямон чӣ қадаре, ки зиёд бошад, ба андозаи он айб меҷӯем.
(Ҷаноб Шаҳобиддин)
– Бешубҳа айб доштан бад аст, аммо айбҳоро надонистан бадии бузург аст.
(Блейс Ласкал)
– Касе беайб нест ва беҳтарин он нафарест, ки айби кам дорад.
(Ҳоретиюс)
– Айби бузрг он аст, ки айбҳоямонро меёбему барои дурусг кардани онҳо кӯшише намекунем.
(Конфючиз)
– Ҳама гуна айбҳои худро мебахшем, аммо айби ба андозаи кайк будани дигаронро чун шутур месозем.
(Ла Фонтейн)
– Агар айбе намедоштем, аз ҷӯстани айби дигарон ин қадар завқ намебурдем.
(Ла Рочефоколд)
– Эътироф кардани айбҳои кӯчак ба ин хотир аст: ба дигарон боварии онро ворид намоем, ки айбҳои бузург надорем.
(Ла Рочефоколд)
– Айбҳоямон чун бӯест, ки бар вуҷудамон ҳис накунем ҳам, дигаронро нороҳат месозем.
(Маркиз Де Аамбер)
– Рафиқҳое пайдо намоед, ки айбҳоятонро бароятон гуфта тавонанд.
(Николас Бойло)
– Аллоҳ (ҷ.ҷ) раҳмат бикунад ба нафаре, ки айбҳоямро чун ҳадя бароям меорад.
(Ҳазрати Умар (р.а.))
– Бар айби кардашуда шарм накардан, айби кардашударо як баробари дигар бузург месозад.
(Публиюс Сирус)
– Айби бузургтарин аз айбҳои худ бехабар мондан аст.
(Томас Карлил)
– Айбҳои дигарон дар муқобиламон аст, бар айбҳои худамон пуштамонро мегардонем.
(Сенека)
– Айби худро надидан, аз айб дида айби бузургтар аст.
(Саид Нурсӣ)
Манбаъ: Хазинаи Маърифат
Панди бузургон дар мавзӯи “АДАБ” инҷо хонед >>АДАБ – Хазинаи маърифат
Рӯйхати пурраи мавзӯҳои хазинаи маърифатро инҷо мутолиа намоед >> ХАЗИНАИ МАЪРИФАТ
Рӯйхати ПАНДУ АНДАРЗ
