Тайёр кардани повидлои себ (Кори амалии №14).
Таҷҳизот ва асбобҳо: дегчаи сирдор, косаи алюминӣ, элак ё кафлези сӯрохдор, белча ё қошуқи чӯбин.
Миқдори маҳсулот: себ – 1000 г, шакар – 1000 г, об – 200 г.
Рафти кор:
- Коркарди якуми мева: себҳоро ба дегчаи сирдор андохта, ба он об рехта, то ба ҷӯш омадан дар оташи паст 10-20 дақиқа мепазанд ва онро омехта карда меистанд.
- Тайёр кардани пюре. Массаи ҳосилшударо дар элак бо қошуқи чӯбин месоянд.
- Пюреро ба зарф андохта, то дараҷаи ҷӯшиш гарм карда, тез меомезанд ва меҷӯшонанд. Баъди 8-10 дақиқа шакар ҳамроҳ карда, пухтанро давом медиҳанд. Дар оташи паст омехта карда, тахминан 30 дақиқа мепазанд.
Повидлои пухташударо ба банкаҳо андохта, даҳонашро маҳкам мекунанд.
