Маслихатхои муфид барои кадбонухо
Барои он ки дегчаи сирдори нав муддати зиёд хизмат кунад, намакобро дар он ҷӯшонед (1 қошуқча намак ба 1 л об)
Барои ба муддати дароз шах нашудани нон, онро дар зарфи сирдори сарпӯшдор нигоҳ доред.
Бисёр соҳибхоназанҳо зарфи ширҷӯшонидаро бо оби гарм мешӯянд. Ин нодуруст аст, зеро аз таъсири оби гарм боқимондаи шир дар девораҳои зарф ба моддаи часпак мубаддал мешавад ва аз ҳамин сабаб зарфро пурра тоза карда намешавад. Зарфи ширҷӯшонидаро аввал бо оби хунук ва баъд бо оби гарм шӯед.
Барои он ки зарфи сирдори навро муҳлати зиёд истифода баред, онро ба оби намакдор (5 қошуқча ба 1 л об) андохта ҷӯшонед.
Сафедии тухмро аз зардиаш ҷудо кардан осон аст. Барои ин тухми шикастаро ба қифи коғазии дар истакон гузошта резед, сафедиаш ба истакон мерезад, зардиаш дар қиф мемонад.
Нахӯд, мош ва лӯбиёро дар оби ҷӯш тар кардан мумкин нест, чунки сафедаи дар таркиби онҳобуда сахт мешавад.
Лӯбиёро пеш аз пухтан дар оби хунук 6 – 8 соат тар карда, мондан лозим аст, то ин ки дар вақти хӯрокпазӣ тез пазад.
Агар ба компоти себ дорчин ҳамроҳ кунед, болаззаттар мешавад.
Мева ва ғуҷуммеваҳоро барои тайёр кардани компот дар шарбати шакардор пазед. Он гоҳ он беҳтару болаззаттар ва хушбӯй мешавад.
Асалро ҳамчун косметикаи шифобахш барои пӯсти рӯй истифода мебаранд. Он ба рӯй ҷило ва нармӣ медиҳад. Барои ин чунин дастурамал (ретсепт) лозим аст. Ба зардии тухми латзада як қошуқча асалро ва ҳамон миқдор глитсеринро омехта, ба рӯй тунук молида, баъд аз 10 – 15 дақиқа бо оби гарм шуста, камтар упо (пудра) мемоланд.
Агар ба об камтар асал омехта карда, рӯйро шӯед, пӯсти рӯйро латиф, суфта ва зебо мегардонад.
Маслиҳати кадбону
Зебоиро бо дасти худ ба вуҷуд оред. Чанд дастур.
1. Ним истакон творогро ғафсакак ба рӯй молида, баъд аз 15 дақиқа онро шӯед, ожангро нест мекунад.
2. Ба 1 пиёла оби ҷӯш чойи сиёҳ андохта, омехта карда, барои таҳшин шудан 1 соат гузоред. Ба он 3 қошуқи калон творог андозед ва омехта карда ба рӯй молед. Баъд аз 10 дақиқа онро шӯед. Агар хоҳед, ба ин омехта 1 қатра оби лимӯ андозед.
3. Як каф гули бобунаро гирифта, ба 75 мл шири гармиаш муътадил андозед ва болояшро пӯшида 20 дақиқа гузоред, баъд ширро даромехта, гарм кунед ва ба он 1 қошуқ сабӯсу ½ қошуқча асалро омехта карда, дар ҳолати гармиаш ба рӯй молед. Баъди 15 дақиқа шӯед. Барои нигоҳубини пӯсти рӯй истифодаи маҳсулоти ширӣ аҳамияти калон дорад, чунки шир ва маҳсулоти ширӣ – йогурт, ҷурғот, қаймоқ ва творог дар таркибашон моддаҳои косметикӣ доранд.
Барои он ки пӯсти рӯй мулоим ва ҷилодор шавад, маҳсулоти ширӣ ва меваҷотро истифода баред.
Соҳибхоназан бояд инро дар назар дорад
