Алгоритми шоханок гуфта, алгоритмеро меноманд, ки дар он вобаста аз иҷро шудан ё нашудани ягон шарт баъзе қадамҳои он иҷро шуда, баъзеашон иҷро намешаванд.
Тарзи истифодабарии ин алгоритм чунин аст:
АГАР шарт ҳақ бошад, ОН ГОҲ амали 1, ВАГАРНА амали 2 иҷро мешавад.
Дар алгоритми шоханок шарт тафтиш карда мешавад. Вобаста аз натиҷаи тафтиш яке аз амалҳои 1 ё 2 иҷро мешавад.
Мисоли 1. Алгоритми ҳисоби қимати z аз рӯи формулаи зерин сохта шавад. (Расм).
Алгоритми шартӣ
- Ибтидо
- дохилкунии Y, X;
- агар Y>0, он гоҳ Z=X+1 вагарна Z=X+Y;
- хориҷкунии Z;
- интиҳо.
Шарт ифодаи мантиқӣ буда, танҳо яке аз ду қимат «Ҳақ» ё «Ноҳақ»-ро қабул мекунад.
Мисоли 2. Бигузор 3 адад: x, y, z дохил карда шавад. Агар x>0 бошад ба тағйирёбандаи p қимати максималии y ва z бахшида шавад. Агар x≤0 бошад ба тағйирёбандаи p қимати минималии y ва z бахшида шавад.
Дар расми зерин схемаи алгоритми ёфтани «Максимум ё минимум» тасвир шудааст.
Ибтидо
- дохилкунии x, y, z;
- агар y>z, он гоҳ гузариш ба 6;
- MAX=z;
- MIN=y;
- гузариш ба 8;
- MAX= y;
- MIN= z;
- агар x>0, он гоҳ гузариш ба 11;
- Р=MIN;
- гузариш ба 12;
- P= MAX;
- чопи P;
интиҳо.
Калидвожаҳо: Алгоритми шарти чист? алгоритми шарти бо мисолхо.