Чаҳор чиз …

Чаҳор чиз баданро лоғар ва заиф мекунад:

  1. Кӯтоҳдастӣ;
  2. Фироқу ҷудоӣ аз дӯстдошта;
  3. Ҷуръати душман;
  4. Қабул накардани насиҳат ва хандидан ба олимону оқилон.

Чаҳор чиз ...


Чаҳор чиз ҷисми инсонро бемор мекунад:

  1. Сухани бисёр;
  2. Хоби бисёр;
  3. Хӯрдани бисёр;
  4. Ҷимоъи бисёр.

Чаҳор чиз баданро ба ҳалокат мерасонад:

  1. Андӯҳ, яъне ояндаро фикр карда ғусса хӯрдан;
  2. Ғам, яъне ба гузашта ғусса хӯрдан;
  3. Гуруснагӣ;
  4. Саҳар кардан, яъне шаб то рӯз хоб накардан.

Чаҳор чиз одамро фараҳ меорад:

Давоми матн пас аз блоки реклама
  1. Назар кардан ба кабудизор;
  2. Назар кардан ба оби ҷорӣ;
  3. Назар кардан ба маҳбуб;
  4. Назар кардан ба меваҳо.

Чаҳор чиз баданро қавӣ мекунанд:

  1. Пӯшидани мулоим;
  2. Даромадани ҳаммоми мӯътадил;
  3. Хӯрдани таоми ширини равғандор;
  4. Бӯй кардани хушбӯиҳо.

Чаҳор чиз оби рӯйро меравонад ва инсонро рӯйхунук мекунад:

  1. Дурӯғ;
  2. Бешармӣ;
  3. Пурсидан бе зарурат, яъне гадоӣ;
  4. Гуноҳи бисёр.

Чаҳор чиз обурӯйро зиёд мекунад:

  1. Мардигарӣ;
  2. Вафо;
  3. Дасткушодӣ ва карам;
  4. Тақво.

Чаҳор чиз сабаби бад дида шудан мегардад:

  1. Кибр;
  2. Ҳасад;
  3. Дурӯғ;
  4. Хабаркашӣ.

Чаҳор чиз ризқро ҷалб мекунад:

  1. Намози нисфи шаб;
  2. Саҳаргоҳон истиғфор гуфтан;
  3. Садақаро додан;
  4. Зикр кардан пагоҳӣ ва бегоҳӣ.

Чаҳор чиз ризқро барҳам мезанад:

  1. Баъди намози бомдод хоб кардан;
  2. Ба намоз сустӣ кардан;
  3. Танбалӣ;
  4. Хиёнат.

Чаҳор чиз фаҳму зеҳнро зарар мерасонад:

  1. Турширо бисёр тановул кардан;
  2. Ғам;
  3. Андӯҳ;
  4. Пуштнокӣ хоб кардан.
Барои аз мақолаҳои нави мо хабардор шудан