Ҳаракати хун дар рагҳои варид

Харакати хун дар рагхои варид


Девори рагҳои варид нисбат ба девори рагҳои шарён хеле тунук ва хеле нарм аст.

Ҳаракати хунро дар рагҳои варид кашишхӯрии мушакҳои скелет, ки рагҳои варидро печонидаанд, таъмин мекунад (расми 53).

Ҳаракати хун дар рагҳои варидӣ
Расми 53. Ҳаракати хун дар рагҳои варидӣ

Хун тавассути рагҳои варид фақат ба дил ҳаракат мекунад. Даричаҳои ҳилолшакли дохили рагҳои варид намегузоранд, ки хун ба самти муқобил ҳаракат кунад. Дар организм ҳамеша хун аз рӯйи зарурат тақсим мешавад: хун вобаста ба эҳтиёҷоти оксиген ва моддаҳои ғизоӣ ба як узв камтар ва ба узви дигар бисёртар меояд. Тағйирёбии бо хун таъминшавии узв ба тағйироти фосилаи рагҳои он  вобаста аст. Танг шудани андозаи рагҳо ба кашиш хӯрдани деворҳои он ба таъсири асабҳои симпатикӣ ва системаи марказии асаб вобаста аст.

Ҳормонҳои адреналин рагҳои хунгардро танг мекунанд. Ҳамин тавр, фосилаи рагҳои хунгардро системаи асаб ва моддаҳои фаъоли биологӣ танзим мекунанд ва онҳо имконият медиҳанд, ки мувофиқи талаботи организм амал кунанд.

Сомона бо шарофати таблиғот фаъол аст

Мавзӯи пурра >> Ҳаракати хун дар рагҳо, гардиши лимфа

ҚаблӣНабзи шарёнӣ
БаъдӣГардиши лимфа