Табрикоти туена – туй муборак табрикнома дар ин мақола оварда мешаванд. Табрикнома барои туй аз сомонаи www.DONISHJU.net барои шумо >>
Дилдода бувад дар бари дилдор дар ин шаб,
Пайваста барад лаззати дидор дар ин шаб.
Пурфайз аҷаб базмгаҳи шоми арусӣ,
Домод бувад ҳамнафаси ёр дар ин шаб.
Аз дидаи мо хоб паридаст азизон,
То субҳ бимонанд ҳама бедор дар ин шаб.
Бигзор ки ин ҷуфти фавон бахт бубинанд.
Аз чеҳраашон бахт падидор дар ин шаб.
Домоду арус чону ба чонанд имшаб
Дар дахр факат ду кас чавонанд имшаб.
Гар зиндаги касди дурии инхо дошт.
Аз зиндаги касди худ ситонанд имшаб.
Илоҳо хонаат обод бошад,
Зи банди ғуссаҳо озод бошад.
Зи кудак то ба пири солхурда,
Тамоми аҳли байтат дилшод бошад.
Навбахтиву навшодӣ, навхона муборак бод!
Ин толеи фирӯзу фарзона муборак бод!
Аз бахти ҷавон шоду аз давлати ишқ обод,
Ин ҷони ҷавонатро ҷонона муборак бод!
Имшаб ту шаҳӣ, оваҳ, паҳлӯи маҳӣ, оваҳ,
Бахти ту дар ин тахти шоҳона муборак бод!
То чашми замон бар ту ҳар дам нигарад некӯ,
Ин наргиси шаҳлои фаттона муборак бод!
Ин ҳури паривашро бирбудаӣ з-афсона
Умри ту дар оғӯши афсона муборак бод!
Якбахт шаву якдил, яклахт шаву якрӯ
То баҳри ту ин дурри якдона муборак бод!
Соқӣ ба шумо хоҳад паймонаи умри пур,
Андар кафи соқӣ ҳам паймона муборак бод!
Лоиқ Шералӣ
- Вақте духтар дӯст дорад, кадом хислатҳоро хоҳад дошт? Инҷо хонед <<
Ҳама нозат ғанимат бошад эй гул,
Саропои ту давлат бошад эй гул.
Туро баҳри муҳаббат офариданд,
Мададгорат муҳаббат бошад эй гул
Имруз арус ба ин макон омадааст,
Дар хилвати ёри меҳрубон омадааст.
Аз пойи қудуми ин аруси зебо
Бас файзу барор ба хонадон омадааст.
Дар сад биравӣ, арӯси барно монӣ,
Ҷуфтат ба барат монаду раъно монӣ.
Дар ҳалқаи набераю хешу табор,
Бо қадди чу сарву руи зебо монӣ.
- Шеърҳои бештарро дар қисми 2-юми ин матлаб дарёбед >> Шеърҳои табрикотӣ барои туй #2
Эй файзи саҳар арсуи дилбар,
Садбарги сафеди тозаву тар,
Сар то қадами ту накҳатомез,
Эй рашки ҳазор мушки анбар.
Офат нарасад ба боғи ҳуснат,
Армони дилат шавад муяссар.
Олам зи ишқу ошиқӣ обод мешавад,
Бе ишқ ҳастии ҳама бар бод мешавад.
Ман ҳам умед дорам, аҳли нишаст ҳам,
Келинд чароғи хонаи домод мешавад.
Туй дори бахту бароре хоҳамат,
Осмони беғуборе хоҳамат.
Дар раҳи пурпечутоби зиндагӣ,
Тоқату сабру қароре хоҳамат.
Умри одам гаҳ баҳору гаҳ хазон,
Умри сабзи арчаворе хоҳамат.
Чаллаат бошад нишони ишқу бахт,
Обрую эътиборе хоҳамат.
Эй хоҳари ҷон туят муборак бошад,
Гирди чодарат гулҳо қаторак бошад.
Худ гуфта будӣ: «Домоди хушкарда гирам»
Ин домоди хушкарда муборак бошад.
Чашми бади касс ба чашми мастат нарасад,
Офат ба лабони майпарастат нарасад.
Ман пеши Худо ҳамин мурод металабам,
Бар қадди муборакат шикасте нарасад.
Нигоҳи чашми ту андар амон бод,
Ниҳоли қоматат дурр аз хазон бод.
Зи даргоҳи Илоҳӣ ҳар чи хоҳи,
Насиби ту ҳамон боду ҳамон бод.
Баҳори зиндагият доимо гулафшон бод,
Чу атрии боғи Ирам накҳатат парафшон бод.
Саодати абадат ёр боду чашмаи ишқ,
Дуои лутфи Худо бар сари ту борон бод.
Қади сарват илоҳӣ кам нагардад,
Дили шодат ба даври ғам нагардад.
Дуои мо ҳамин бошад шабу руз.
Ки як му аз сари ту кам нагардад.
Аруси мо имшаб сафар мекунад,
Манзили худ ҷойи дигар мекунад.
Аз рухи худ хонаи торикро,
Равшантар аз нури саҳар мекунад,
Канда аз сар пардаи завлонаро,
Маҳкама дар куҳу камар мекунад.
Бо Ҳусни дилафрузат хуш бошию, хуш бошӣ,
Бо чеҳраи чун рузат хуш бошию, хуш бошӣ.
Дастон ба сано гирем, домони Худо гирем,
Ҳар руз зи дирузат хуш бошию, хуш бошӣ.
Эй аруси нозанин боғат муаттар мешавад,
Дар шаби туят сухан гуям , дилам тар мешавад.
Мон қадам бо устувор дар шоҳроҳи зиндагӣ,
Зиндагонии ҳақиқӣ баъд аз ин сар мешавад.
Аз хандаи бахт ҳамеша хуррам бошед,
Хушнуд зи мову ҳама олам бошед.
Мо дасти дуо баҳри шумо бардорем,
Эй дидаву дил, дурр зи ҳама ғам бошед.
- Шеърҳои бештарро дар қисми 2-юми ин матлаб дарёбед >> Шеърҳои табрикотӣ барои туй #2
- Маълумотҳои аҷиб <<
- Дониш <<
- Табрикоту таманиётҳо барои зодрӯз ва идҳо <<
- Мавзӯҳои дарсӣ <<
- Мақолаҳои гуногун <<
