Тайёр кардани хушоб (компот). Пухтани компот аз зардолу
Хушоб (компот) оби меваи бо шакар ҷӯшонда аст. Онро аз меваҳо ва ғуҷуммеваҳои тару тоза, хушқ, консервонида ё яхкарда тайёр кардан мумкин аст.
Пухтани компот аз зардолу (Кори амалии №16)
Таҷҳизот: зарфи сирдор, корд.
Миқдори маҳсулот: зардолу – 500 г, шакар – 3/4 истакон, об – 2 истакон.
Зардолуро шуста дукафон (калон бошад чанд пора) мекунанд ва донакашро мепартоянд. Дар зарфи сирдор шакар ва 2 истакон оби гарм рехта, зардолуро меандозанд ва то пухтан меҷӯшонанд. Компоти тайёрро хунук карда, ба истаконҳо ё пиёлаҳо мерезанд.
