Шеър дар бораи Точикистон

Якчанд шеър дар васфи кишвари азизамон Точикистон меорем.

душанбе фото 2020

Давоми матн пас аз блоки реклама

Тоҷикистон нури чашмони ман аст

Гулшани пурнеъмати даврони ман,
Манбаи илҳоми бепоёни ман,

Қувва дар дил, нур дар чашмони ман,
Ҳам ба ҳар як дарди ман, дармони ман.

Ин диёри Тоҷикистони ман аст,
Модари дилбанду ҷонони ман аст.

Дар канораш нозу ҷавлон мекунам,
Хизматашро аз дилу ҷон мекунам,

Сурма хокашро ба чашмон мекунам,
Ҷон фидои Тоҷикистон мекунам.

Тоҷикистон нури чашмони ман аст,
Ҳастии ман, фахри ман, шони ман аст.

Бобо Ҳоҷӣ


Тоҷикистон – набзи ман

Як нафас имкони ман бе Тоҷикистон нест, нест,
Дар тани ман ҷони ман бе Тоҷикистон нест, нест.
Тоҷикистон — номи ман, парварда шираш коми ман,
Ҳам намак, ҳам нони ман бе Тоҷикистон нест, нест.

Тоҷикистон — кӯҳи ман, кӯҳи баландаш рӯҳи ман,
Қиблаи имони ман бе Тоҷикистон нест, нест.
Тоҷикистон — набзи ман, хораш — баҳори сабзи ман,
Абри ман, борони ман бе Тоҷикистон нест, нест.

Тоҷикистон — ёди ман, аждоди ман, авлоди ман,
Гавҳари чашмони ман бе Тоҷикистон нест, нест.
Тоҷикистон — бахти ман, фархунда тоҷу тахти ман,
Давлати Сомони ман бе Тоҷикистон нест, нест.

Юсуфҷон Аҳмадзода


Точикистон шеър, дар васфи бораи Точикистон шеър Tojikiston sher шеър дар васфи ватан Точикистон

Шеърҳо дар васфи Тоҷикистон

Эй Тоҷикистон! (Шеър дар васфи Точикистон)

Дигар маводҳо пас аз блоки реклама

Назари худро нависед

Лутфан шарҳи худро нависед!
Лутфан номи худро нависед