Шеърхо дар бораи Китоб

Шеър дар васфи Китоб, шеърҳо дар бораи Китоб, Аниси кунчи танхои – китоб оварда мешаванд. Шеърҳои нав низ дар ҳамин саҳифа оварда мешаванд >>

Шеърхо дар бораи Китоб

Дӯсти азизи ман китоб,
Бо ӯ намоям сарҳисоб.
Сарчашмаи илмасту ноб,
Ақлам физояд обу тоб.

Хонам варо шому саҳар,
Гирам зи ӯ маънии зар.
Илме диҳад аз баҳру бар,
Ҳар ҳарфи вай дурру гуҳар.

Ҷонам гирад аз ӯ ҳузур,
Чашми дилам бикшода нур.
Фикре диҳад бар ман ғурур,
Ҳам медиҳад ақлу шуур.

Давоми матн пас аз блоки реклама

Аз баччагӣ аз вақти шоб,
Бас хондаам илму сабоқ,
Осон диҳад бар ман ҷавоб.
Шаръу қиёс, роҳи савоб.

Таълим намояд аз ҳалол,
Хуш зиндагӣ ҳам аз малол.
Аз неку бад ҳар инфиъол,
Ҳар кас гирад бар қадри ҳол.

Дорад китоб иззу шараф,
Якҷоя гир бо ҳар ду каф.
Бар чашми худ мол, кун таваф,
Ӯро нигаҳ дор чун садаф.

Рӯзии Ғанизод


Он яке қадри китоб гумкардае,
Дигаре боғу чаман гумкардае.
Аз китоб гумкарда лек,
Мерасад рузе забон гумкардае.

Амирҷони Нуриддин


Агар шеъре дар бораи китоб медонед дар шарҳ нависед.


3 шарҳ

  1. Хуштарзи китоб дар ҷаҳон ёре нест,
    Дар ғамкадаи замона ғамхоре нест.
    Ҳар лаҳза аз ӯ ба гӯшаи танҳоӣ,
    Сад роҳате ҳасту ҳаргиз озоре нест.

Назари худро нависед

Лутфан шарҳи худро нависед!
Лутфан номи худро нависед