Эй дилбари нозанини кадрас (шеър)
Атлас
Эй дилбари нозанини қадрас,
Зебанда туро либоси атлас.
Ҷононаи ман фақат туӣ бас,
Чашмак зада ман ба сӯи ҳар кас.
Рӯят ки ҳамеша лоларанг аст,
Бо куртаи атласат ба ҷанг аст.
Мардум ба ҷамоли ту гаранг аст,
Аҳволи асири ишқ танг аст,
Ман дода зи даст ихтиёрам.
Эй дилбари шӯхи бефаранҷӣ,
Як гап ба ту мезанам наранҷӣ.
Охир зи кадом кони ганҷӣ,
Маҳсули кадом дасти ранҷӣ.
Мирзо Турсунзода
