Агар ададҳо ба воситаи аломати амалҳо ва шояд қавс (қавсҳо) алоқаманд бошанд, чунин шакли алоқаи ададҳоро ифодаҳои ададӣ меноманд.
Масъала. Сайёҳ рӯзи аввал 30 км ва рӯзи дуюм 5 км камтар масофаро тай кард. Ӯ дар ду рӯз чанд км роҳ рафт? Сайёҳ рӯзи дуюм 30–5 км, бинобар ҳамин дар ду рӯз 30+(30–5) км масофаро тай кард.
Барои ҳал кардани масъала мо ифодаи ададии 30+(30–5)ро ҳосил кардем. Агар амалҳои дар он нишондодашударо иҷро намоем, адади 55-ро соҳиб мешавем, ки он қимати ифодаи ададӣ номида мешавад. Қимати ифода ба суоли дар масъала гузошташуда ҷавоб медиҳанд: 55 км.
Ду ифодаи ададӣ метавонанд қиматҳои баробар дошта бошанд.
Масалан, 56+23–48=31 ва 72–36–5=31. Дар чунин маврид менависанд: 56+23–48=72–36–5.
Ифодаҳои ададӣ метавонанд, инчунин, қиматҳои нобаробарро соҳиб бошанд. Масалан, 84+46–65=65, вале 26+49–32–12=31
Азбаски 65 > 31 аст, пас навишта метавонем:
84+46–65 > 26+49–32–12 ё ки 26+49–32–12 < 84+46–65.
Ифодахои адади (дар математика), кимати ифодаи адади