Гузоштани сузан ба сузандорак. Машки сузангузарони. Носозихо дар вакти кор бо мошини дарздузи ва сабабхои нуксони сузан ва гузориши он
- Сӯзангузоракро ба ҳолати аз ҳама баландаш гузоред.
- Винти сӯзандоракро он қадар маҳкам накунед.
- Сӯзанро дар сӯзандорак ба воситаи сӯзангузорак то охир дохил кунед.
- Ҷӯяки дарози сӯзан аз тарафи риштагузаронӣ бошад.
- Винти сӯзандоракро маҳкам кунед.
- Санҷед, ки сӯзан ба сӯрохии пластинкаи сӯзангузорак озод дохил шавад ва ба моку дарнамонад. Барои ин сӯзанро аз поён ба боло дохил кардан лозим аст.
- Риштаи боло ва поёнро гузоред.
- Сифати кӯкро санҷед. Гузориши дурусти сӯзан барои кори муътадили мошин аҳамияти калон дорад.
Носозиҳо дар вақти кор бо мошини дарздӯзӣ ва сабабҳои нуқсони сӯзан ва гузориши он. Ҷадвали 11
| № | Нуқсони сӯзан ва гузориши он | Носозӣ дар кори мошини дарздӯзӣ |
| 1. | Сӯзани қатшуда | Шикастани сӯзан, кандашавии ришта ва қадами кӯк |
| 2. | Сӯзани кунд | Ҳалқапартоии кӯк, кандашавии риштаи матоъ |
| 3. | Нодуруст гузоштани сӯзан бо ҷӯяки кӯтоҳ аз тарафи риштагузаронӣ | Набаромадани кӯк, кандашавии ришта. |
| 4. | Сӯзанро пурра дохил накардан | Шикастани сӯзан, номунтазамии кӯк |
Савол ва супориш
- Роҳи дурусти гузоштани сӯзанро гӯед.
- Номи он қисми мошинро, ки сӯзан мегузоранд, гӯед.
- Риштаро аз кадом тараф ба сӯзан мегузаронанд?
- Ҷӯяки дарози сӯзан дар вақти гузоштан ба кадом тараф бояд нигоҳ кунад?
